कोंदा-भैरा के गोठ

-लइका मन के मोबाइल म गेम खेले के आदत तो जीवलेवा बनत जावत हे जी भैरा. -हव जी कोंदा.. मोरो नाती मनला गजब बरजथौं, फेर मानबे नइ करय बुजा मन. -एदे अभी रिसाली दुरुग के वीर सिंह अउ पुरन साहू नॉव के लइका मन दुर्ग ले राजहरा जवइया गाड़ी के रेलवाही म बइठे गेम खेलत रिहिन हें, वोती ले रेल आवत रिहिसे तेकरो आवाज ल नइ सुनीन.. अउ रेतागें.. अइसने खबर काली अंबिकापुर ले घलो आए रिहिसे- उहाँ एक झन लइका ह वोकर दाई ह मोबाइल म गेम खेले बर बरजिस त वो ह फॉंसी लगाके मर गे. -भारी करलई हे संगी.. लइका मनला कतकों बरजबे फेर मानंय नहीं. -मनोरोग विशेषज्ञ डॉ. प्रशांत अग्रवाल के कहना हे- वीडियो गेम के टकर परे ले मन म स्टेच पार करे के ललक बाढ़ जाथे, तहाँ ले लइका मनला ककरों आवाज बने सुनावय न समझ आवय. इनला कइसनों होवय मोबाइल ले दुरिहा रखना जरूरी हे. -ठउका कहे संगी.. अब बनेच चेत कर के उनला मोबाइल ले दुरिहाना हे.

Admin

सितम्बर 4, 2024 - 13:42

 0  18

Admin

संबंधित पोस्ट

कोंदा-भैरा के गोठ

Admin अगस्त 8, 2024  0  29

सामान्य दूध ले सौ गुना जादा फायदा करथे 'पेउस'

Admin सितम्बर 8, 2024  0  25

कोंदा-भैरा के गोठ

Admin अगस्त 14, 2024  0  21