113 रुपिया म 11.66 ग्राम सोना...!, जानव कोन बखत बेचावत रिहिस ये दाम म...

बर बिहाव, देवारी, अक्ति ले लेकर बिहाव बछर अउ जनमदिन जइसे मउका म सोना के खरीददारी करे जाथे। कोनो-कोनो मनखे मन ल सोना ले अब्बड़ मया होथे। कउनो भी मउका हो चाहे, वो कुछु न कुछु सोना बिसा लेथे। पहिली के अपेक्षा सोना के दाम म बढ़ोतरी के बाद घलो मनखे मन म सोना खरीदे के जोश बरोबर रहिथे। कोनो कोनो मन मनखे मन अइसे घलो हे, जउन कभू भी सोना ने संतुष्ट नइ होवय, काबर कि वोमन हरदम अउ सोना बिसाय बर के ललक रहिथे। अइसन मनखे मन ले अगर कोनो कहि दे कि एक जमाना म सिरफ 113 रुपिया म 11.66 ग्राम सोना मिलत रिहिस हे, त शायद वो उही जमाना म जाना चाही। हालांकि जउन दउर म सोना के दाम अतेक कम रिहिस, तब मनखे मन कमई घलो मौजूदा दउर के तुलना म सीमित रिहिस हे। सोशल मीडिया प्लेटफॉर्म म आजकल सोना के खरीददारी के एक जुन्ना बिल वायरल होवत हे। बिल के वायरल तस्वीर के मुताबिक, 11.66 ग्राम सोना के कीमत केवल 113 रुपिया हे। एक सोशल मीडिया पोस्ट के मुताबिक, वायरल बिल 1959 के हवय, जब 11.66 ग्राम सोना सिरफ 113 रुपिया के रिहिस हे। पोस्ट म अतके ही सोना के मौजूदा कीमत 70 लेे 75 हजार तक बताय गे हवय। केवल 113 रुपिया म सोना के बिल के तस्वीर सोशल मीडिया प्लेटफॉर्म इंस्टाग्राम म तेजी से वायरल होवत हे। कई यूजर्स पुराना जमाना म सोना के अतेक कम दाम रहे के बार म जान के हैरान हे। केवल दू दिन पहिली इंस्टाग्राम म सोना के पुराना बिल के शेयर करे के तस्वीर वायरल होगे हवय। जिंदगी गुलजार है नाम के इंस्टाग्राम अकाउंट ले शेयर करे गे ये पोस्ट ल अब तक 69 हजार ले ज्यादा मनखे मन लाइक करे हे। इंस्टाग्राम यूजर्स वायरल पोस्ट म अलग-अलग तरह के प्रतिक्रिया देवत हवय। एक यूजर ह पोस्ट म कमेंट करत लिखिस, वक्त तेजी ले बढ़त हवय। दूसर यूजर लिखिस, वो जमाना म वो मनखे मन के आय के हिसाब ले महंगा रिहिस होही। मनखे मन के तनखा बहुत कम होवत रिहिस। एक आने यूजर हर लिखिस, वो बखत मनखे मन के तनखा घलो 40 रुपिया महीना होवत रिहिस हे।

Admin

अगस्त 6, 2024 - 17:53

 0  38

Admin

संबंधित पोस्ट

गारावंडी आंगनबाड़ी के बच्चों का वीडियो वायरल, शिक्षा के...

Admin अक्टूबर 8, 2025  0  7

शिक्षक और छात्र के बीच हुई बातचीत का स्क्रीनशॉट हुआ वाय...

Admin सितम्बर 6, 2024  0  37

वफादारी की मिसाल : मालिक की जान बचाने किंग कोबरा से भिड...

Admin दिसम्बर 24, 2024  0  53