छत्तीसगढ़ म सिरिफ छत्तीसगढ़ी...छत्तीसगढ़ी...अउ सिरिफ छत्तीसगढ़ी...

राजभाखा स्थापना दिवस काली, तेलीबांधा तरिया रायपुर मेर जुरियाथन सादर नेवता हे आप जम्मो झन ल...

छत्तीसगढ़ी राजभाखा ल संवैधानिक दर्जा प्राप्त होये के सत्रह बछर के बेरा म काली इतवार के दिन 24 नवंबर के संझौती बेरा 4 बजे ले रतिहा 8 बजे तक राजधानी रइपुर के तेलीबांधा तरिया म छत्तीसगढ़ी राजभाखा स्थापना दिवस मनाय जाही। ये आयोजन करइया एम ए छत्तीसगढ़ी छात्र संगठन हवय, जेकर परमुख भाई रितुराज साहू ह बताइस कि छत्तीसगढ़ी भाषा ल पोठ्ठ करे बर, भाषा ल काम -काज म लाय बर, भाषा के असल चिन्हारी बर, आवव एक तीर जुरियाके आवाज करथन कुछ जबर करथन अब अपन भासा ला उचित मान सम्मान देवाबो पढ़बो लिखबो अऊ गोठियाबो, बगराबो,  ये दरी  अपन भासा दिवस ला तिहार कस मनाबो, ये कार्यक्रम सिरीफ एम ए छत्तीसगढ़ी वाले के नोहय सब्बो छत्तीसगढिय़ा के आय ता एक बार जबर भीड़ के संग तेलीबांधा तरिया रायपुर मेर जुरियाथन सादर नेवता हे आप जम्मो झन ल...।