कोंदा-भैरा के गोठ

-शिक्षक दिवस म छत्तीसगढ़ शासन डहार ले हर बछर तीन पुरखा साहित्यकार डॉ. पदुमलाल पुन्नालाल बख्शी, डॉ. मुकुटधार‌ पाण्डेय अउ डॉ. बलदेव प्रसाद मिश्र के नॉव म तीन शिक्षक मनला सम्मानित करे जाथे जी भैरा. -हव जी कोंदा ए तो बड़ा गरब करे के लाइक बात आय . -हव जी.. फेर मैं काहत रेहेंव के हमर ए तीनों पुरखा साहित्यकार मन के चिन्हारी हिंदी के साहित्यकार के रूप म जादा हे, तेकर सेती अइसने इहाँ के तीन छत्तीसगढ़ी के पुरखा साहित्यकार मन के सुरता म घलो शासन ह तीन छत्तीसगढ़ी भाखा साहित्य खातिर बुता करत शिक्षक मनला सम्मानित करतीस त कइसे रहितीस? -ए सुग्घर सुझाव हे जी संगी.. हिंदी के क्षेत्र म बुता करइया मनला हिंदी के चिन्हारी वाले मन के नॉव म अउ छत्तीसगढ़ी के चिन्हारी वाले साहित्यकार मन के नॉव म छत्तीसगढ़ी खातिर बुता करत मनला. -मोर मन म इहू बात आथे संगी के राज्योत्सव के बेरा पं. सुंदरलाल शर्मा सम्मान दिए जाथे ना.. ठउका अइसने आरुग छत्तीसगढ़ी खातिर बुता करइया साहित्यकार मनला घलो कोनो छत्तीसगढ़ी के पुरखा साहित्यकार के नॉव ले हर बछर सम्मान दे जाना चाही.

Admin

सितम्बर 7, 2024 - 13:29

 0  63

Admin

संबंधित पोस्ट

वो नागपंचमी के सुरता// धराइस जे अध्यात्म के रद्दा...

Admin अगस्त 9, 2024  0  17

16 अगस्त जयंती म सुरता// कला-साहित्य के संगम रहिस डॉ. स...

Admin अगस्त 16, 2024  0  17

मया के फूल फूलन दो

Admin दिसम्बर 7, 2024  0  55