ये दद्दा..., अत्तेक बड़े सांप....

सांप ल देखके मनखे मन के पछीना छूटे बर लग जाथे। अइसे म जब सांप कोबरा सांप हो जाय अउ उहू म 18 फिट लंबा, तब तो खतरा 100 प्रतिशत बाढ़ जाथे। अइसे सांप मन ल त पकडऩा अब्बड़ चुनौतीपूर्ण हो जाथे। अइसने एक ठन सांप ल रेस्क्यू करत मनखे मन के घलो होश उड़ गे। जब वोमन एक नाला के भीतरी ले 18 फिट लंबा सांप ल बाहिर निकालिस। ये घटना के वीडियो सोशल मीडिया म तेजी ले वायरल होवत हे। नाला ले बाहिर निकाले गिस सांप वीडियो म देखे जा सकत हे कि एक अंडरग्राउंड पाइप के अंदर कोबरा सांप ह लुका के बइठे रिहिस हे। बीच म वो पाइप खुल्ला रिहिस हे। करीब एक फीट खुले जगह ले एक विशाल कोबरा बाहिर आवत नजर आवत हे। सांप ल देखे के बाद सांप पकडऩे वाला मनखे वोला पकड़े के योजना बनाथे। आगू वीडियो म दिखत हे, सांप जइसे ही अपन शरीर ल थोड़े से मोड़त हे, सांप जइसे अपन शरीर ल थोड़े से मोड़त हे, रेस्कयूअर वोला पकड़ लेथे। फेर कोबरा सांप अपन जम्मो ताकत लगाके बरपेली आगू कोती बढ़े के कोशित करत हे। फेर सांप पकडऩे वाला मनखे कोबरा सांप के पाछू हिस्सा ल पाइप ले बाहिर निकाल लेथे। येकर बाद घलो सांप के मुड़ी अभी घलो पाइप के भीतरी म ही होथे। दूनो एक्सपर्ट मन मिल के वो सांप ल बाहिर खींचे म ले रहिथे। जइसे ही कोबरा बाहिर निकलथे, वइसे ही वो हर फन फैलाके एक्सपर्ट्स उपर हमला कर देवत हे। वीडियो ल मिले हवय 3 मिलियन व्यूज एक एक्सपर्ट सांप के फन ल दबोचे के कोशिश करत हे फेर कोबरा वो मनखे के आगू बार-बार फुफकारत रहिथे। एक समय त अइसे आथे जब एक्सपर्ट वो सांप के फन ल अपन हाथ ले दबोच लेथे। येकर बाद वो रेस्क्यूअर वो सांप ल लेके उहां ले निकल जाथे। ये वीडियो ल सोशल मीडिया प्लेटफॉर्म एक्स म @EnsedeCiencia नाम के पेज म शेयर करे गे हवय। वीडियो ल खबर लिखे जाये तक 3 मिलियन लोगन मन देखे हवय अउ 11 हजार मनखे मन येला लाइक करे हवय।

संबंधित पोस्ट

काम निपटा कर घर के लिए निकला युवक गायब!

Admin सितम्बर 17, 2025  0  177

आकर्षण का खेल, पुरुष और महिला एक दूसरे में क्या पसंद कर...

Admin जुलाई 21, 2025  0  31

महिला चालक ने ब्रेक की जगह दबा दिया एक्सीलेटर, होटल के ...

Admin जुलाई 29, 2025  0  59

टिप्पणियाँ

नाम

ईमेल

टिप्पणी

तेज़ी से टिप्पणी करना