मुख्यमंत्री निवास म मनही हरेली उत्सव, जोरशोर ले होवत हे बड़का तइयारी

रायपुर। हरेली के उल्लास ल संजोय बर मुख्यमंत्री निवास ल परंपरागत तरीका ले सजाय जात हवय। हरेली के दिन 4 अगस्त के इहां किसान भाई मन के हल खुरपी नजर आही। गेड़ी म लोगन मन के उत्साह नजर आही। मुख्यमंत्री विष्णु देव साय अउ उंकर मंत्रिमंडल सहयोगी अउ अतिथि मन ये बेरा म हरेली के आनंद लिही अउ परंपरागत तरीका ले पूजा अर्चना करही। हरेली तिहार के मउका म मुख्यमंत्री सबलेे पहिली विधिविधान ले कृषि उपकरण मन के पूजा करही। हरेली के बेरा म जम्मो छत्तीसगढ़ अंचल म लोगन अपन-अपन लोकगीत गाथे अउ नृत्य करथे। मुख्यमंत्री हर अधिकारी मन ल अंचल के सब्बों नृत्य अउ लोकगीत मन के आयोजन करे बर कहे हवय ताकि जम्मो छत्तीसगढ़ समवेत रूप म मुख्यमंत्री निवास म अपन पूरा सांस्कृतिक वैविध्य म नजर आही। करमा, राउत नाचा के सुंदर गीत अउ लयबद्ध नृत्य के साथ आयोजन के शुरूआत होही। येकर बाद परंपरागत खेल के आयोजन होही। येमा डंडा, भौंरा, बांटी जइसे खेल होही। हरेली आयोजन म सबलेे यादगार गेड़ी होथे गेड़ी म चढ़ केलोगन अपन पुराना दिन ल सुरता करही। ये बेरा म मुख्यमंत्री हर हरेली तिहार ले जुड़े अपन स्मृति ल साझा करही। साथे साथ वोमन जनमानस ल हरेली संदेश घलो दिही। हरेली तिहार म सुंदर सांस्कृतिक कार्यक्रम के प्रस्तुति के साथे साथ किसान भाइ मन ल घलो कृषि उपकरणों मन वितरण करे जाही।

Admin

अगस्त 3, 2024 - 14:19

 0  30

Admin

संबंधित पोस्ट

किसानों की खुशहाली का नया दौर, साय सरकार के सुशासन में ...

Admin अगस्त 8, 2024  0  13

व्यापारी ने तहसीलदार को पीटा

Admin नवंबर 29, 2024  0  15

राज्योत्सव तैयारी के दौरान शिक्षक की मौत पर कलेक्टर ने ...

Admin नवंबर 5, 2024  0  23